Artigo 4º.- Limpeza de fincas próximas a vivendas. 

-    Os propietarios de fincas ubicadas a menos de 50 metros de vivendas e outras ou do límite de algún núcleo rural ou urbano ou demáis edificacións estarán obrigados á súa limpeza, de tal forma que non supoñan un perigo en caso de incendio forestal servindo de barreira contra a propagación do lume cara as mencionadas edificacións. 

-    No caso de que os propietarios non realizasen estas labouras de limpeza, podería o Concello executar subsidiariamente estas labouras de limpeza, cargándolle os gastos ó propietario. 

-       Voo e invasión do arborizado.  En calquera plantación que dea orixe a que o seu arborado sobrevoe ou irrompa coas raíces tanto en cultivos agrícolas ou praderías, como en camiños públicos, canal de auga, vías e núcleos urbanos, así como respecto a calquera tipo de edificación, os propietarios deberán adoptar as medidas que impidan tales ocupacións, tanto do solo como do subsolo e do espacio aéreo, incluídos árbores illados. 

-   Cando se trate de invasión de árbores nas vías públicas os seus propietarios estarán obrigados á poda correspondente, deixando libre unha altura mínima de 5 metros tomados dende o nivel do solo. 

Artigo 5º.- Normas para a execución de traballos de explotación forestal 

-   Nos aproveitamentos forestais (cortas,  claras, etc.) e operacións selvícolas (podas, clareos, et.) que produzan residuos capaces de producir risco de incendio, deberanse trata-los residuos (leñas, cortezas, etc.) de xeito que desapareza o risco. No caso dos montes xestionados pola Administración forestal, eles tomarán as medidas axeitadas para elimina-lo risco. 

-      Unha vez terminado os traballos de explotación, as vías públicas e fincas colindantes deberán quedar en perfecto estado, limpos de residuos e sen ningún tipo de desperfecto (firme das vías e elementos constructivos, muros de fincas, etc.) 

-      Co fin de garanti-la conservación da rede viaria municipal e evita-lo risco de accidentes, será preciso solicitar autorización para o transporte e depósito de madeira, procedente dos traballos de explotación, polas vías públicas de titularidade municipal. Na solicitude especificarase a situación da finca de onde se vai extraer a madeira, lugares onde se vai almacenar, vías públicas por onde se vai transportar, características dos vehículos que se empregarán, así como os días previstos para realizar o transporte, adxuntando fotocopia do permiso de tala da Administración Forestal cando éste sexa preciso. A autorización municipal será obrigatoria e gratuita, sen embargo o titular da empresa madereira deberá ingresar na Tesourería Municipal unha fianza, valorada por un técnico municipal para cubrir, en caso preciso, os danos orixinados na rede viaria, que será devolta, de non haber danos ó rematar os traballos. Tamén o mesmo técnico valorará, antes de realiza-lo aproveitamento, si se autoriza o emplazamento das zonas de almacenamento e percorrido dos vehículos, prohibindo de antemán o apilado de madeira en cunetas e a invasión da vía. 

-      Se fose preciso por incumprimento do establecido, e sen perxuizo da adopción doutras medidas oportunas e o exercicio das accións legais correspondentes, procederase á execución subsidiaria da  reparación de danos, segundo o establecido na lexislación de procedemento administrativo.

Artigo 6º.- Cumprimento da Ordenanza e Réxime  Sancionador.  

      Sen perxuizo de ordenar ó infractor que repoña o terreo ó seu estado primitivo, cando incumpra as obrigas establecidas no artigo 2º da presente Ordenanza, o Concello, previa tramitación do correspondente expediente, poderá sancionar cada infracción con multas coercitivas que oscilarán entre os 150 e 3.000 euros, atendendo á gravidade de cada infracción, ata que as plantacións sexan retiradas e cumpran o establecido nesta ordenanza. En todo caso, se fora preciso, o Concello procederá á execución subsidiaria, pasándolle os gastos ocasionados ó infractor, sen perxuizo de poñe-los feitos en coñecemento da autoridade xudicial e o Ministerio Fiscal. 

Disposicións Adicionais. 

- Primeira.- As distancias de seguridade con respecto ás edificacións que se contemplan nesta ordenanza non serán de aplicación nas edificacións radicadas nos viveiros forestais. 

- Segunda.- As distancias das plantacións de árbores ás vías públicas que non sexan de titularidade municipal rexiranse polos mínimos establecidos nesta ordenanza, polo que estableza a lexislación de carácter xeral e o organismo titular da vía en cuestión. 

                  Disposicións transitorias 

- Primeira.- Mentres non se aprobe definitivamente a delimitación dos núcleos rurais e urbanos do municipio, as distancias referidas ós límites tomaranse dende a liña perimetral que una as edificacións extremas do núcleo. En canto ás vivendas illadas e outras edificacións as distancias tomaranse dende os muros exteriores do cercado da finca, se os ten, ou da propia vivenda ou edificación, se carece de cercado. 

- Segunda.- As plantacións existentes no momento da entrada en vigor da presente ordenanza disporán dun prazo para adaptarse á mesma dun ano para aquelas que supoñan un risco de incendio forestal para as vivendas e outras edificacións, e de 15 anos para as outras. 

Disposición Final 

A  presente ordenanza que consta de 6 artigos, dúas disposicións  adicionais, dúas disposicións transitorias e unha disposición final, entrará en vigor unha vez aprobada polo Concello e publicado o seu texto completo no Boletín Oficial da Provincia (BOP) de Lugo, e transcorrido o prazo previsto no artigo 70.2 en relación co 65.2 da Lei  7/85, de 2 de abril Reguladora das Bases de Réximen Local, permanecendo en vigor mentres a Corporación Municipal non acorde a súa modificación ou derogación expresa.